ਕਾਦੀਆਂ/11 ਜੁਲਾਈ (ਸਲਾਮ ਤਾਰੀ)
ਸਖ਼ਤ ਗਰਮੀ ਦੇ ਚਲਦੇ ਅੱਜ ਭਾਰੀ ਮੀਂਹ ਪੈਣ ਕਾਰਨ ਲੋਕਾਂ ਨੇ ਗਰਮੀ ਤੋਂ ਰਾਹਤ ਲਈ ਹੈ। ਕਈ ਕਈ ਘੰਟੇ ਬਿਜਲੀ ਕਟਾਂ ਅਤੇ ਗਰਮੀ ਤੋਂ ਪਰੇਸ਼ਾਨ ਲੋਕਾਂ ਨੇ ਪੈ ਰਹੇ ਮੀਂਹ ਦਾ ਖ਼ੂਬ ਮਜ਼ਾ ਚੁਕਿਆ ਹੈ। ਬੱਚੇ, ਛੋਟੇ ਵੱਡੇ ਸਾਰੇ ਮੀਂਹ ਚ ਨਹਾਉਣ ਲਈ ਸੜਕਾਂ ਤੇ ਨਿਕਲ ਆਏ। ਦੂਜੇ ਪਾਸੇ ਕਾਦੀਆਂ ਚ ਸੀਵਰੇਜ ਨਾ ਹੋਣ ਕਾਰਨ ਭਾਰੀ ਮੀਂਹ ਦੇ ਚਲਦੀਆਂ ਸ਼ਹਿਰ ਦੀਆਂ ਸੜਕਾਂ ਨਹਿਰਾਂ ਚ ਤਬਦੀਲ ਹੋ ਗਈਆਂ। ਪਾਣੀ ਦੀ ਨਿਕਾਸੀ ਨਾ ਹੋਣ ਕਾਰਨ ਹਰ ਗਲੀ ਮੁਹਲੇ ਦੀ ਸੜਕਾਂ ਤੇ ਪਾਣੀ ਭਰ ਆਇਆ ਹੈ। ਇੱਸ ਸਬੰਧ ਚ ਰਾਹੁਲ ਕੁਮਾਰ ਭਾਟੀਆ ਨੇ ਗੱਲਬਾਤ ਕਰਦੀਆਂ ਦੱਸਿਆ ਕਿ ਸਖ਼ਤ ਗਰਮੀ ਤੋਂ ਮੀਂਹ ਪੈਣ ਕਾਰਨ ਰਾਹਤ ਮਿਲੀ ਹੈ। ਉਨ੍ਹਾਂ ਦੱਸਿਆ ਕਿ ਸੜਕਾਂ ਤੇ ਪਾਣੀ ਦੀ ਨਿਕਾਸੀ ਨਾ ਹੋਣ ਕਾਰਨ ਪਾਣੀ ਖੜਾ ਹੋ ਗਿਆ ਹੈ। ਉਨ੍ਹਾਂ ਸਥਾਨਕ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਪਾਣੀ ਦੀ ਨਿਕਾਸੀ ਲਈ ਯੋਗ ਪ੍ਰਬੰਧ ਕੀਤੇ ਜਾਣ। ਉਨ੍ਹਾਂ ਸ਼ਹਿਰ ਚ ਸੀਵਰੇਜ ਪਾਉਣ ਦੀ ਵੀ ਮੰਗ ਕੀਤੀ ਹੈ।