ਬਟਾਲਾ, 17 ਨਵੰਬਰ (ਮੁਨੀਰਾ ਸਲਾਮ ਤਾਰੀ) ਸਮਾਜ ਵਿਚ ਸ਼ਰਾਰਤੀ ਅੰਨਸਰਾਂ ਨੂੰ ਕੰਟਰੋਲ ਕਰਨ ਲਈ ਐਸ.ਐਸ.ਪੀ ਬਟਾਲਾ ਸ੍ਰੀ ਸਤਿੰਦਰ ਸਿੰਘ ਆਈ.ਪੀ ਐਸ ਵੱਲੋਂ ਇੱਕ ਮੋਬਾਇਲ ਨੰਬਰ 94652-32487 ਜਨਤਕ ਪਲੇਟਫਾਰਮ ਤੇ ਜਾਰੀ ਕੀਤਾ ਗਿਆ ਅਤੇ ਬਟਾਲਾ ਪੁਲਿਸ ਜਿਲ੍ਹਾ ਦੇ ਸਾਰੇ ਨਿਵਾਸੀਆਂ ਨੂੰ ਅਪੀਲ ਕੀਤੀ ਕਿ ਆਪ ਦੇ ਪਿੰਡ, ਸ਼ਹਿਰ, ਵਾਰਡ, ਮੁਹੱਲੇ ਅਤੇ ਕਸਬੇ ਵਿਚ ਜੇਕਰ ਕੋਈ ਵਿਅਕਤੀ ਬੁਲਟ ਮੋਟਰਸਾਈਕਲ ਨਾਲ ਪਟਾਕੇ ਵਜਾਉਦਾਂ ਹੈ ਤਾਂ ਉਸ ਮੋਟਰਸਾਈਕਲ ਦਾ ਨੰਬਰ ਅਤੇ ਮੋਟਰਸਾਈਕਲ ਦੀ ਕਿਸਮ ਅਤੇ ਜੇਕਰ ਜਾਣਕਾਰੀ ਹੋਵੇ ਤਾਂ ਉਸ ਵਿਅਕਤੀ ਦਾ ਨਾਮ ਪਤਾ ਅਤੇ ਐਡਰੈਸ ਉਕਤ ਨੰਬਰ ਤੇ ਵੱਟਸਐਪ ਰਾਂਹੀ ਜਾਂ ਫੋਨ ਕਰਕੇ ਨੋਟ ਕਰਵਾਇਆ ਜਾਵੇ ।
ਓਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਹੀ ਤੁਹਾਡੇ ਏਰੀਆ ਵਿਚ ਜੇਕਰ ਕਿਸੇ ਪਾਸ ਨਜਾਇਜ ਅਸਲਾ ਹੈ ਜਾਂ ਕੋਈ ਨੋਜਵਾਨ ਬਿਨ੍ਹਾ ਨੰਬਰ ਕੋਈ ਵਹੀਕਲ ਚਲਾਉਦਾਂ ਹੈ ਤਾਂ ਜੇ ਹੋ ਸਕੇ ਉਸ ਦਾ ਨਾਮ ਪਤਾ, ਐਡਰੈਸ ਅਤੇ ਵਹੀਕਲ ਦੀ ਕਿਸਮ ਉਕਤ ਦਿੱਤੇ ਨੰਬਰ ਪਰ ਨੋਟ ਕਰਵਾਈ ਜਾਵੇ।ਜੋ ਸੂਚਨਾ ਦੇਣ ਵਾਲੇ ਵਿਅਕਤੀ ਦੀ ਪਹਿਚਾਣ ਗੁਪਤ ਰੱਖੀ ਜਾਵੇਗੀ।
