ਬਟਾਲਾ , 13 ਅਕਤੂਬਰ ( ਮੁਨੀਰਾ ਸਲਾਮ ਤਾਰੀ) ਡਿਪਟੀ ਡਾਇਰੈਕਟਰ ਕੰਮ ਸਿਵਲ ਸਰਜਨ ਗੁਰਦਾਸਪੁਰ ਡਾ. ਰਾਮ “ਮਾਂਡੀ” ਦੀਆਂ ਹਦਾਇਤਾਂ ਤੇ ਸੀਨੀਅਰ ਮੈਡੀਕਲ਼ ਅਫ਼ਸਰ ਡਾ. ਕਰਨ ਕੁਮਾਰ “ਸੈਣੀ” ਦੀ ਰਹਿਨੁਮਾਈ ਹੇਠ ਕਮਿਉਨਿਟੀ ਹੈਲਥ ਸੈਂਟਰ ਕਾਹਨੂੰਵਾਨ ਵਿਖ਼ੇ ਬਜ਼ੁਰਗਾਂ ਦੀ ਸਰੀਰਕ ਸੰਭਾਲ ਲਈ “ਅਕਤੂਬਰ ਮਹੀਨਾ ਬਜ਼ੁਰਗਾਂ” ਦਾ ਮਹੀਨਾ ਵਜੋਂ ਮਨਾਇਆ ਗਿਆ l
ਇਸ ਮੌਕੇ ਡਾ. ਅਜੇ ਕੁਮਾਰ ਮੈਡੀਕਲ਼ ਅਫ਼ਸਰ, ਡਾ. ਭਗਵਾਨ ਦਾਸ ਨੇ ਪਿੰਡ ਕਾਹਨੂੰਵਾਨ ਤੇ ਬਾਹਰਲੇ ਪਿੰਡਾਂ ਤੋਂ ਆਏ ਬਜ਼ੁਰਗ ਲੋਕਾਂ ਨੂੰ ਬੁਢਾਪੇ ਵਿੱਚ ਹੋਣ ਵਾਲੀਆਂ ਬਿਮਾਰੀਆਂ ਤੇ ਸਰੀਰਕ ਜੋੜ੍ਹਾ ਵਿੱਚ ਹੋਣ ਵਾਲੀਆਂ ਦਰਦਾਂ ਬਾਰੇ ਜਾਣੂ ਕਰਵਾਇਆ ਗਿਆ ਤੇ ਮੌਕੇ ਉਪਰ ਹੀ ਬਜ਼ੁਰਗ ਲੋਕਾਂ ਦੀ ਜਰੂਰਤ ਅਨੁਸਾਰ ਗਲ੍ਹੇ ਨੂੰ ਲਗਾਉਣ ਲਈ ਗਰਮ ਕਾਲਰ,ਕਮਰ ਗਰਮ ਬੈਲਟ, ਗਰਮ ਪਾਣੀ ਰੱਖਣ ਵਾਲੀਆਂ ਬੋਤਲਾਂ, ਗੋਡੇ ਦੀਆਂ ਗਰਮ ਪੱਟੀਆਂ, ਗਿੱਟੇ ਦੀਆਂ ਗਰਮ ਪੱਟੀਆਂ ਵੰਡੀਆਂ ਗਈਆਂ I
ਇਸ ਮੌਕੇ ਡਾ. ਅਮਰਿੰਦਰ ਸਿੰਘ ਮੈਡੀਕਲ਼ ਅਫ਼ਸਰ, ਸਵੀਟਾ ਸਟਾਫ਼ ਨਰਸ,ਆਸ਼ਾ ਰਾਣੀ ਰੇਡੀਓ ਗ੍ਰਾਫ਼ਰ, ਗੁਰਪ੍ਰੀਤ ਕੌਰ ਫ਼ਰਮੇਸੀ ਅਫ਼ਸਰ, ਬਲਜਿੰਦਰ ਸਿੰਘ ਫਾਰਮਾਸਿਸਟ, ਜੋਗਾ ਸਿੰਘ ਸੇਖੋਂ,ਕੁਲਦੀਪ ਸਿੰਘ ਬੱਬੇਹਾਲੀ ਤੇ ਹੋਰ ਲੋਕ ਹਾਜ਼ਰ ਸਨ