ਕਾਦੀਆਂ 28 ਸਤੰਬਰ (ਮੁਨੀਰਾ ਸਲਾਮ ਤਾਰੀ)
ਸਿੱਖ ਨੈਸ਼ਨਲ ਕਾਲਜ ਕਾਦੀਆਂ ਵੱਲੋਂ ਸ਼ਹੀਦੇ ਆਜ਼ਮ ਸਰਦਾਰ ਭਗਤ ਸਿੰਘ ਦਾ 115 ਵਾਂ ਜਨਮ ਦਿਹਾੜਾ ਸਮੂਹ ਸਟਾਫ ਵਿਦਿਆਰਥੀਆਂ ਵੱਲੋਂ ਪੂਰੇ ਉਤਸ਼ਾਹ ਨਾਲ ਮਨਾਇਆ ਗਿਆ । ਇਸ ਮੌਕੇ ਕਾਲਜ ਦੇ ਵਿਦਿਆਰਥੀਆਂ ਵੱਲੋਂ ਸਵੇਰ ਸਮੇਂ ਇਕ ਸਾਈਕਲ ਚੇਤਨਾ ਰੈਲੀ ਕਾਦੀਆਂ ਕਸਬੇ ਅੰਦਰ ਕੱਢੀ ਗਈ । ਜਿਸ ਦੀ ਰਵਾਨਗੀ ਪ੍ਰਸਿੱਧ ਸੁਤੰਤਰਤਾ ਸੈਨਾਨੀ ਸਵਰਗਵਾਸੀ ਸ੍ਰੀ ਮੁਲਖ ਰਾਜ ਜੀ ਦੇ ਬੇਟੇ ਸ੍ਰੀ ਸੁਰਿੰਦਰ ਪੱਪੀ ਸ਼ਰਮਾ ਵੱਲੋਂ ਹਰੀ ਝੰਡੀ ਵਿਖਾ ਕੇ ਕੀਤੀ ਗਈ । ਇਹ ਸਾਈਕਲ ਚੇਤਨਾ ਰੈਲੀ ਕਾਲਜ ਮੇਨ ਗੇਟ ਤੋਂ ਰਵਾਨਾ ਹੋ ਕੇ ਸ਼ਹੀਦ ਭਗਤ ਸਿੰਘ ਚੌਕ , ਬੁੱਟਰ ਚੋਂਕ, ਕਾਲਜ ਰੋਡ , ਠੀਕਰੀਵਾਲ ਰੋਡ ਆਦਿ ਸਥਾਨਾਂ ਤੋਂ ਹੋ ਕੇ ਕਾਲਜ ਕੈਂਪਸ ਅੰਦਰ ਸਮਾਪਤ ਹੋਈ । ਇਸ ਚੇਤਨਾ ਰੈਲੀ ਦੀ ਅਗਵਾਈ ਐੱਨ ਐੱਸ ਐੱਸ ਵਲੰਟੀਅਰ ਤੇ ਐੱਨਸੀਸੀ ਕੈਡਿਟਾ ਵੱਲੋਂ ਕੀਤੀ ਗਈ । ਵਿਦਿਆਰਥੀਆਂ ਵੱਲੋਂ ਸ਼ਹੀਦ ਭਗਤ ਸਿੰਘ ਦੇ ਯਾਦਗਾਰੀ ਬੁੱਤ ਤੇ ਫੁੱਲ ਮਾਲਾਵਾਂ ਭੇਟ ਕੀਤੀਆਂ ਗਈਆਂ ,ਤੇ ਨਸ਼ਿਆਂ ਦਾ ਤਿਆਗ ਕਰਨ ਤੇ ਸਮਾਜਿਕ ਬੁਰਾਈਆਂ ਖ਼ਿਲਾਫ਼ ਜਾਗਰੂਕ ਹੋਣ ਦਾ ਅਹਿਦ ਕੀਤਾ ਗਿਆ । ਇਸ 115 ਵੇਂ ਜਨਮ ਦਿਹਾੜੇ ਨੂੰ ਸਮਰਪਿਤ ਇੱਕ ਪੁਸਤਕ ਤੇ ਫੋਟੋ ਪ੍ਰਦਰਸ਼ਨੀ ਕਾਲਜ ਤੇ ਲਾਇਬਰੇਰੀ ਵਿਭਾਗ ਵਲੋਂ ਕਾਲਜ ਲਾਇਬਰੇਰੀ ਅੰਦਰ ਲਗਾਈ ਗਈ । ਜਿਸ ਦਾ ਉਦਘਾਟਨ ਵਿਸ਼ੇਸ਼ ਮਹਿਮਾਨ ਕਾਲਜ ਸਕੱਤਰ ਡਾ ਬਲਚਰਨਜੀਤ ਸਿੰਘ ਭਾਟੀਆ , ਕਾਲਜ ਪ੍ਰਿੰਸੀਪਲ ਡਾ ਹਰਪ੍ਰੀਤ ਸਿੰਘ ਹੁੰਦਲ ਵੱਲੋਂ ਆਪਣੇ ਕਰ ਕਮਲਾਂ ਨਾਲ ਕੀਤਾ ਗਿਆ । ਦੋ ਦਿਨ ਤਕ ਚੱਲਣ ਵਾਲੀ ਇਸ ਪੁਸਤਕ ਫੋਟੋ ਪ੍ਰਦਰਸ਼ਨੀ ਵਿਚ ਸਰਦਾਰ ਭਗਤ ਸਿੰਘ ਜੀ ਦੇ ਜੀਵਨ ਤੇ ਵਿਚਾਰਧਾਰਾ ਨਾਲ ਜੁੜੀਆਂ ਵੱਖ ਵੱਖ ਭਾਸ਼ਾਵਾਂ ਦੀਆਂ ਪੁਸਤਕਾਂ ਪ੍ਰਦਰਸ਼ਿਤ ਕੀਤੀਆਂ ਗਈਆਂ ਹਨ । ਕਾਲਜ ਆਡੀਟੋਰੀਅਮ ਅੰਦਰ ਇੱਕ ਵਿਚਾਰ ਚਰਚਾ ਸਮਾਗਮ ਕਰਵਾਇਆ ਗਿਆ । ਜਿਸ ਵਿੱਚ ਸਥਾਨਕ ਪ੍ਰਬੰਧਕ ਕਮੇਟੀ ਸਕੱਤਰ ਡਾ ਬਲਚਰਨਜੀਤ ਸਿੰਘ ਭਾਟੀਆ , ਸੁਰਿੰਦਰ ਪੱਪੀ ਸ਼ਰਮਾ , ਪ੍ਰਿੰਸੀਪਲ ਡਾ ਹਰਪ੍ਰੀਤ ਸਿੰਘ ਹੁੰਦਲ ਨੇ ਸ਼ਹੀਦ ਭਗਤ ਸਿੰਘ ਦੇ ਜੀਵਨ ਫ਼ਲਸਫ਼ੇ ਤੇ ਭਾਰਤ ਦੇ ਆਜ਼ਾਦੀ ਸੰਘਰਸ਼ ਨੂੰ ਉਨ੍ਹਾਂ ਦੀ ਦੇਣ ਬਾਰੇ ਚਰਚਾ ਕੀਤੀ । ਬੁਲਾਰੇ ਪ੍ਰੋਫੈਸਰ ਗੁਰਜੀਤ ਕੌਰ ਵੱਲੋਂ ਉਨ੍ਹਾਂ ਨੂੰ ਕ੍ਰਾਂਤੀਕਾਰੀ ਤੇ ਦੇਸ਼ ਭਗਤ ਹੋਣ ਦੇ ਨਾਲ ਨਾਲ ਇਕ ਚੰਗੇ ਪਾਠਕ ਤੇ ਚਿੰਤਕ ਵੱਲੋਂ ਉਨ੍ਹਾਂ ਦੀ ਵਿਦਿਆਰਥੀਆਂ ਨਾਲ ਪਹਿਚਾਣ ਕਰਵਾਈ । ਸਾਹਿਤਕ ਵੰਨਗੀਆਂ ਰਾਹੀਂ ਵਿਦਿਆਰਥੀ ਵਰਗ ਨੇ ਸ਼ਹੀਦ ਭਗਤ ਸਿੰਘ ਦੇ ਜੀਵਨ ਤੇ ਚਾਨਣਾ ਪਾਇਆ । ਕਾਲਜ ਵਿਦਿਆਰਥੀਆਂ ਵਿਚ ਸਿਮਰਨਜੀਤ ਕੌਰ , ਜੋਤ ਸਰੂਪ ਕੌਰ , ਮੇਹਰ ਦੀਪ ਕੌਰ , ਸੁਮਨ ਜੰਬਾ ,ਗੀਤਿਕਾ , ਪ੍ਰਿਆ , ਰਮਨਦੀਪ , ਸੁਖਪ੍ਰੀਤ ਕੌਰ , ਕੋਮਲਪ੍ਰੀਤ ਕੌਰ, ਨੇਹਾ ਨੇ ਭਾਗ ਲਿਆ । ਸਮਾਗਮ ਦੇ ਅੰਤ ਤੇ ਕਾਲਜ ਵਿਦਿਆਰਥੀਆਂ ਨਿਖਿਲ , ਪੋਲਿਸ ਗਿੱਲ, ਅੱਜਮੇਰ ਸਿੰਘ, ਹਰਕੀਰਤ ਕੌਰ, ਜੋਤ ਸਰੂਪ ਕੌਰ , ਜੈਸਮੀਨ ਕੌਰ , ਕੋਮਲਪ੍ਰੀਤ ਕੌਰ , ਸਾਹਿਲ , ਜਸਮੀਤ ਕੌਰ , ਚਾਂਦ ਪ੍ਰੀਤ ਕੌਰ , ਬਿੰਦਰ ਸਿੰਘ ਸਮੇਤ ਵਿਦਿਆਰਥੀਆਂ ਨੇ ਨਾਟਕੀ ਪੇਸ਼ਕਾਰੀ ਕੀਤੀ । ਮੰਚ ਦਾ ਸੰਚਾਲਨ ਪ੍ਰੋ ਹਰਜਿੰਦਰ ਸਿੰਘ ਵੱਲੋਂ ਕੀਤਾ ਗਿਆ । ਇਸ ਸਮਾਗਮ ਤੇ ਵਿਚਾਰ ਚਰਚਾ ਚ ਮਹਿਮਾਨ ਸ਼ਖਸੀਅਤਾਂ ਨਾਲ ਐੱਨ ਐੱਸ ਐੱਸ ਪ੍ਰੋਗਰਾਮ ਅਫਸਰ ਪ੍ਰੋ ਸੁਖਪਾਲ ਕੌਰ, ਡਾ ਸਤਿੰਦਰ ਕੌਰ , ਪ੍ਰੋ ਕੁਲਵਿੰਦਰ ਸਿੰਘ ,ਪ੍ਰੋ ਗੁਰਜੀਤ ਕੌਰ ,ਪ੍ਰੋ ਹਰਜਿੰਦਰ ਸਿੰਘ ,ਸਾਬਕਾ ਪ੍ਰੋਫੈਸਰ ਸੁਖਵਿੰਦਰ ਕੌਰ ਪੱਡਾ , ਡਾ ਗੁਰਦੀਪ ਸਿੰਘ ,ਪ੍ਰੋ ਮਨਪ੍ਰੀਤ ਕੌਰ ,ਪ੍ਰੋ ਰਾਕੇਸ਼ ਕੁਮਾਰ , ਪ੍ਰੋ ਹਰਕੰਵਲ ਸਿੰਘ ਬੱਲ, ਡਾ ਸਿਮਰਤਪਾਲ ਸਿੰਘ , ਪ੍ਰੋ ਕੌਸ਼ਲ ਕੁਮਾਰ, ਪ੍ਰੋ ਜਸਪਿੰਦਰ ,
ਪ੍ਰੋ ਬਲਬੀਰ ਕੌਰ , ਪ੍ਰੋ ਲਵਪ੍ਰੀਤ ਕੌਰ, ਪ੍ਰੋ ਪੀਟਰ ਮਸੀਹ , ਪ੍ਰੋ ਕਿਰਨਦੀਪ ਕੌਰ , ਸਮੇਤ ਸਮੂਹ ਸਟਾਫ ਸਿੱਖ ਨੈਸ਼ਨਲ ਕਾਲਜੀਏਟ ਸਕੂਲ ਦੇ ਵਿਦਿਆਰਥੀ ਸਟਾਫ ਵੀ ਹਾਜ਼ਰ ਸੀ । ਮਹਿਮਾਨ ਸ਼ਖ਼ਸੀਅਤਾਂ ਦਾ ਪ੍ਰਿੰਸੀਪਲ ਡਾ ਹਰਪ੍ਰੀਤ ਸਿੰਘ ਹੁੰਦਲ ਵੱਲੋਂ ਧੰਨਵਾਦ ਕੀਤਾ ਗਿਆ । ਮਹਿਮਾਨ ਸ਼ਖ਼ਸੀਅਤ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤਾ ਗਿਆ।