ਗੁਰਦਾਸਪੁਰ , 31 ਮਈ (ਮੁਨੀਰਾ ਸਲਾਮ ਤਾਰੀ) ਖੇਡ ਵਿਭਾਗ ਪੰਜਾਬ ਵੱਲੋਂ ਸਾਲ 2022-23 ਦੇ ਸੈਸ਼ਨ ਲਈ ਸਪੋਰਟਸ ਵਿੰਗ ਸਕੂਲਾਂ ਦੇ ਡੇਅ ਸਕਾਲਰ ਅਤੇ ਰੈਜੀਡੈਂਸਲ ਵਿੱਚ ਹੋਣ ਹਾਰ ਖਿਡਾਰੀਆ /ਖਿਡਾਰਨਾਂ ਨੂੰ ਦਾਖਲ ਕਰਨ ਲਈ ਟਰਾਇਲ ਕਰਵਾਏ ਗਏ ਸਨ । ਇਸ ਦੀ ਜਾਣਕਾਰੀ ਸ੍ਰ. ਸੁਖਚੈਨ ਸਿੰਘ ਜ਼ਿਲ੍ਹਾ ਖੇਡ ਅਫ਼ਸਰ ਗੁਰਦਾਸਪੁਰ ਨੇ ਦੱਸਿਆ ਕਿ ਇਸ ਸਾਲ ਦੀ ਖੇਡ ਵਿਭਾਗ ਵੱਲੋਂ ਵੱਖ –ਵੱਖ ਗੇਮਾਂ ਨੂੰ ਪਰਮੋਟ ਕਰਨ ਲਈ ਖਿਡਾਰੀਆਂ ਨੂੰ ਡੇਅ ਸਕਾਲਰ /ਰੈਜੀਡੈਂਸਲ ਸਪੋਰਟਸ ਵਿੰਗ (ਸਕੂਲ ) ਵਿੱਚ ਸਾਮਲ ਕੀਤੇ ਜਾਣ ਵਾਲੇ ਸਿਲੈਕਸਨ ਟਰਾਇਲ ( ਉਮਰ ਵਰਤ ਅੰਡਰ :-14,17,19) ਗੇਮ ਐਥਲੇਟਿਕਸ ਲੜਕੇ/ਲੜਕੀਆਂ ਸਰਕਾਰੀ ਕਾਲਜ ਗੁਰਦਾਸਪੁਰ , ਹਾਕੀ ਲੜਕੇ/ਲੜਕੀਆਂ ਸਰਕਾਰੀ ਕਾਲਜ ਗੁਰਦਾਸਪੁਰ , ਫੁੱਟਬਾਲ ਲੜਕੇ ਸ.ਸ.ਸ. ਸਕੂਲ ਕਾਲਾ ਅਫਗਾਨਾ (ਆਜਮਪੁਰ) , ਜਿਮਨਾਸਟਿਕ ਲੜਕੇ/ਲੜਕੀਆਂ ਜਿਮਨੇਜੀਅਮ ਹਾਲ ਗੁਰਦਾਸਪੁਰ , ਵੇਟ ਲਿਫਟਿੰਗ ਲੜਕੇ/ਲੜਕੀਆਂ ਸਿੱਖ ਨੈਸ਼ਨਲ ਕਾਲਜ ਕਾਦੀਆ, ਜੂਡੋ ਲੜਕੇ/ਲੜਕੀਆਂ ਸ.ਸ.ਸ. ਸਕੂਲ ਲੜਕੇ ਗੁਰਦਾਸਪੁਰ ਵਿਖੇ ਕਰਵਾਏ ਗਏ । ਜਿਸ ਵਿੱਚ ਜ਼ਿਲ੍ਹੇ ਦੇ ਖਿਡਾਰੀਆਂ ਅਤੇ ਖਿਡਾਰੀਆਂ ਦੇ ਮਾਪਿਆਂ ਵੱਲੋਂ ਖੇਡਾਂ ਪ੍ਰਤੀ ਕਾਫੀ ਉਤਸ਼ਾਹ ਵੇਖਣ ਨੂੰ ਮਿਲਿਆ । ਟਰਾਇਲਾਂ ਦੌਰਾਨ ਤਕਰੀਬਨ 1020 ਖਿਡਾਰੀਆਂ /ਖਿਡਾਰਨਾਂ ਨੇ ਭਾਗ ਲਿਆ ।