ਨਵਾਂਸ਼ਹਿਰ, 11 ਮਾਰਚ (ਵਿਪਨ)
ਮਿਨੀਸਟਰੀ ਆੱਫ ਯੂਥ ਅਫੇਅਰ ਐਂਡ ਸਪੋਰਟਸ ਭਾਰਤ ਸਰਕਾਰ ਅਤੇ ਨਹਿਰੁ ਯੁਵਾ ਕੇਂਦਰ ਦੀ ਜਿਲਾ ਯੂਥ ਅਫਸਰ ਵੰਦਨਾ ਲੋਅ ਦੇ ਨਿਰਦੇਸ਼ ’ਤੇ ਕੇਸੀ ਗਰੁੱਪ ਆੱਫ ਇੰਸਟੀਚਿਊਸ਼ਨ ’ਚ ਆਜ਼ਾਦੀ ਦੇ ਅਮਿ੍ਰਤ ਮਹਾ ਉਤਸਵ ਦੇ ਉਪਲੱਖ ’ਚ ਜਿਲਾ ਪੱਧਰੀ ਯੁਵਾ ਸੰਸਦ ਲਗਾਈ ਗਈ । ਇਸ ਸੰਸਦ ਦੀ ਸ਼ੁਰੁਆਤ ’ਚ ਜਿਲਾ ਯੂਥ ਅਫਸਰ ਵੰਦਨਾ ਲੌਅ, ਕੈਂਪਸ ਦੇ ਸਹਾਇਕ ਡਾਇਰੇਕਟਰ ਡਾੱ. ਅਰਵਿੰਦ ਸਿੰਗੀ, ਡਾੱ. ਕੁਲਜਿੰਦਰ ਕੌਰ, ਇੰਜ. ਆਰਕੇ ਮੂੰਮ, ਡਾੱ. ਸ਼ਬਨਮ, ਪ੍ਰੋ. ਅੰਕੁਸ਼ ਨਿਝਾਵਨ, ਪ੍ਰੋ. ਕਪਿਲ ਕਨਵਰ, ਐਚਆਰ ਮਨੀਸ਼ਾ ਵਲੋ ਜੋਤੀ ਪ੍ਰੱਚੰਡ ਦੀ ਰਸਮ ਅਦਾ ਕੀਤੀ ਗਈ । ਡਾੱ. ਅਰਵਿੰਦ ਸਿੰਗੀ ਨੇ ਯੂਥ ਇੰਟਰੰਪ੍ਰਨੋਰ ਸ਼ਿਪ ਅਤੇ ਸਵੱਛ ਭਾਰਤ ਮਿਸ਼ਨ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਨੌਜੁਆਨ ਦੇਸ਼ ਦੀ ਸਫਾਈ, ਪ੍ਰਦੂਸ਼ਣ ਅਤੇ ਪਾਣੀ ਬਚਾਉਣ ’ਚ ਸਹਿਯੋਗ ਕਰਕੇ ਵੀ ਦੇਸ਼ ਦਾ ਨਾਮ ਰੁਸ਼ਨਾ ਸੱਕਦੇ ਹਨ । ਕਿਸੇ ਵੀ ਦੇਸ਼ ਦੇ ਯੁਵਾ ਉਸ ਦੇਸ਼ ਦੀ ਰੀਢ ਦੀ ਹੱੜੀ ਹੁੰਦੇ ਹਨ । ਨੌਜਵਾਨ ਆਪਣੇ ਦੇਸ਼ ਨੂੰ ਸਵੱਛ, ਪ੍ਰਦੂਸ਼ਣ ਰਹਿਤ ਬਣਾਉਣ ਅਤੇ ਪਾਣੀ ਬਚਾਉਣ ਲਈ ਸਰਕਾਰ ਦੀਆਂ ਯੋਜਨਾਵਾਂ ਅਨੁਸਾਰ ਚਲਣ । ਇਸਦੇ ਬਾਅਦ ਮੰਚ ’ਤੇ ਪ੍ਰੋ. ਅੰਕੁਸ਼ ਨਿਝਾਵਨ, ਡਾੱ. ਸ਼ਬਨਮ, ਪ੍ਰਭਜੋਤ ਸਿੰਘ, ਜੁਗਿੰਦਰ ਸ਼ਰਮਾ, ਪ੍ਰੋ. ਅਕਸ਼ੈ ਰਾਣਾ, ਯਮਨ ਕੁਮਾਰ, ਪ੍ਰੋ. ਬਲਵੰਤ ਰਾਏ , ਸਟੂਡੈਂਟ ਤੁਸ਼ਾਰ ਸ਼ਰਮਾ, ਸ਼ਬਨਮ, ਭਾਵਨਾ, ਨਵੀਨ, ਅਕਾਸ਼, ਨਸਰੀਨ, ਨਿਰਦੋਸ਼ ਕਪੂਰ, ਅਨਮੋਲ, ਧਾਰਨਾ ਨੇ ਮੰਚ ’ਤੇ ਵਿਚਾਰ ਰੱਖਦੇ ਹੋਏ ਦੱਸਿਆ ਕਿ ਦੇਸ਼ ਨੂੰ ਸਵੱਛ ਰੱਖਣਾ, ਪਾਣੀ ਬਚਾਉਣਾ, ਬੂਟੇ ਲਗਾਉਣਾ ਇਹ ਸਰਕਾਰ ਦੇ ਨਾਲ ਨਾਲ ਹਰ ਇੰਸਾਨ ਦੀ ਵੀ ਜਿੰਮੇਵਾਰੀ ਹੈ । ਖੇਤੀਬਾੜੀ ਕਰਦੇ ਸਮਾਂ ਦਵਾ ਵਿਕਰੇਤਾ ਅਤੇ ਸਰਕਾਰ ਵਲੋ ਸੁਝਾਈ ਗਈ ਰਸਾਇਣ ਦੀ ਮਾਤਰਾ ਹੀ ਪਾਉਣੀ ਚਾਹੀਦੀ ਹੈ । ਹਰ ਕਿਸੇ ਨੂੰ ਨੌਕਰੀ ਕਰਨ ਦੀ ਬਜਾਏ ਆਪਣਾ ਕੰਮ ਵੀ ਖੋਲਣਾ ਚਾਹੀਦਾ ਹੈ, ਸਰਕਾਰ ਵੱਲ ਦੇਖਣ ਦੀ ਬਜਾਏ ਆਪਣੇ ਆਪ ਦੇ ਕੰਮ ’ਤੇ ਭਰੋਸਾ ਰੱਖੋ। ਸਰਕਾਰ ਇਸ ਦੇਸ਼ ਦੀ ਸਾਰੀ ਆਬਾਦੀ ਨੂੰ ਸਰਕਾਰੀ ਨੌਕਰੀ ਨਹੀ ਦੇ ਸਕਦੀ । ਵੰਦਨਾ ਲੌਅ ਨੇ ਦੱਸਿਆ ਕਿ ਹਰ ਵਿਅਕਤੀ ਨੂੰ ਨੌਕਰੀ ਮੰਗਣ ਦੀ ਬਜਾਏ ਆਪਣੇ ਕੰਮ ’ਤੇ ਵੀ ਫੋਕਸ ਕਰਨਾ ਚਾਹੀਦਾ ਹੈ । ਸਟੂਡੈਂਟ ਨੂੰ ਸਰਕਾਰ ਵਲੋ ਚਲਾਈ ਨੌਜੁਆਨ ਭਲਾਈ ਅਤੇ ਸਰਕਾਰ ਵਲੋ ਚਲਾਈਆਂ ਜਾ ਰਹੀਆਂ ਯੋਜਨਾਵਾਂ ਦੀ ਜਾਣਕਾਰੀ ਦਿੱਤੀ । ਉਨਾਂ ਨੇ ਦੱਸਿਆ ਕਿ ਨੌਜੁਆਨ ਆਪਣੇ ਕਿਸੇ ਵੀ ਕੰਮ ਲਈ ਲੋਨ ਲਈ ਅਪਲਾਈ ਕਰ ਸਕਦੇ ਹਨ, ਲੋਨ ’ਚ ਸਰਕਾਰ ਵਲੋ ਸਬਸਿਡੀ ਵੀ ਪ੍ਰਦਾਨ ਕੀਤੀ ਜਾਂਦੀ ਹੈ। ਮੰਚ ਸੰਚਾਲਨ ਪ੍ਰੋ. ਅਕਸ਼ੈ ਰਾਣਾ ਨੇ ਕੀਤਾ । ਅੰਤ ’ਚ ਸਾਰੇ ਵਕਤਾਵਾਂ ਨੂੰ ਮੰਚ ’ਤੇ ਸਨਮਾਨਤ ਕੀਤਾ । ਮੌਕੇ ’ਤੇ ਕੇਸੀ ਕਾਲਜ ਦੇ ਸਟਾਫ ਦੇ ਨਾਲ ਨਹਿਰੁ ਯੁਵਾ ਕੇਂਦਰ ਤੋਂ ਸੋਨਿਆ, ਜਤਿੰਦਰ, ਨਵਦੀਪ, ਗੋਬਿੰਦਾ, ਨਿਰਮਲ, ਧੀਰਜ, ਵਿਕਾਸ ਵਿਰਦੀ, ਅਜੈ ਅਤੇ ਵਿਪਨ ਕੁਮਾਰ ਆਦਿ ਮੌਜੂਦ ਰਹੇ ।