ਨਵਾਂਸ਼ਹਰ , 15 ਦਸੰਬਰ(ਵਿਪਨ)
ਕਰਿਆਮ ਰੋਡ ਸੱਥਿਤ ਕੇਸੀ ਕਾਲਜ ਆੱਫ ਹੋਟਲ ਮੈਨਜਮੈਂਟ ’ਚ ਫਰੇਸ਼ਰ ਕਮ ਫੇਅਰਵੇਲ ਪਾਰਟੀ 2021 ਪ੍ਰੋਗਰਾਮ ਕਰਵਾਇਆ ਗਿਆ , ਜਿਸ ’ਚ ਸੀਨੀਅਰ ਨੇ ਜੂਨਿਅਰ ਦਾ ਸੁਆਗਤ ਕੀਤਾ ਅਤੇ ਜੂਨਿਅਰ ਨੇ ਸੀਨੀਅਰ ਨੂੰ ਅਲਵਿਦਾ ਕਿਹਾ । ਇਸ ਫਰੇਸ਼ਰ ਅਤੇ ਫੇਅਰਵੇਲ ਪਾਰਟੀ ’ਚ ਕਾਲਜ ਦੇ ਸਾਰੇ ਵਿਭਾਗਾਂ ਬੀਐਚਐਮ , ਬੀਐਸਸੀ ਐਚ. ਐਮ. ਐਸ ਸੀ. ਟੀ, ਬੀਐਚ ਐਮ ਸੀ. ਟੀ. ਅਤੇ ਡਿਪਲੋਮਾਂ ਦੇ ਜੂਨਿਅਰ ਨੇ ਸੀਨੀਅਰ ਸਟੂਡੈਂਟ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕਰਦੇ ਹੋਏ ਉਨਾਂ ਨੂੰ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ । ਮੰਚ ’ਤੇ ਗੀਤ, ਗਿੱਧਾ, ਭੰਗੜਾ, ਵੱਖੋ ਵੱਖ ਤਰਾਂ ਦਾ ਨਾਚ, ਸੰਗੀਤ, ਮਾੱਡਲਿੰਗ ਅਤੇ ਰੰਗਾਰੰਗ ਪੋ੍ਰਗਰਾਮ ਦੇ ਨਾਲ ਗੈਮਜ ਹੋਈਆਂ । ਸ਼ੁਰੁਆਤ ’ਚ ਸਰਸਵਤੀ ਵੰਦਨਾ ਹੋਈ, ਉਸਦੇ ਬਾਅਦ ਜੋਤੀ ਪ੍ਰੱਚੰਡ ਦੀ ਰਸਮ ਹੋਈ । ਜਿਸ ’ਚ ਕੈਂਪਸ ਦੇ ਸਹਾਇਕ ਡਾਇਰੇਕਟ ਡਾੱ. ਅਰਵਿੰਦ ਸਿੰਗੀ, ਕਾਲਜ ਪਿ੍ਰੰਸੀਪਲ ਸ਼ੈਫ ਵਿਕਾਸ ਕੁਮਾਰ ਹੋਰ ਕਾਲਜ ਪਿ੍ਰੰਸੀਪਲ ਅਤੇ ਪ੍ਰੋਫੈਸਰ ਅਤੇ ਸਟੂਡੈਂਟ ਹਾਜਰ ਰਹੇ । ਵਿਦਿਆਰਥੀਆਂ ਨੇ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕਰਦੇ ਹੋਏ ਓ ਯਾਰ ਨਾਲਾਂ ਯਾਰ ਵਿਛੜੇ . . , ਯਾਦ ਕਰੇਗੀ ਦੁਨੀਆ ਤੇਰਾ ਮੇਰਾ ਅਫਸਾਨਾ. . , ਆਦਿ ਗੀਤ ਸੁਣਾ ਕੇ ਸਾਰਿਆਂ ਦੀ ਅੱਖਾਂ ਨਮ ਕਰ ਦਿੱਤੀਆਂ । ਇਸਦੇ ਬਾਅਦ ਜੂਨਿਅਰ ਦੇ 10 ਕਪਲ ਅਤੇ ਸੀਨੀਅਰ ਦੇ 10 ਕਪਲ ਨੇ ਮਾੱਡਲਿੰਗ ਕੀਤੀ । ਜਜਮੈਂਟ ਕਰਦੇ ਹੋਏ ਇੰਜ. ਜਫਤਾਰ ਅਹਿਮਦ , ਜਨਾਰਦਨ ਕੁਮਾਰ , ਜੀਨਤ ਰਾਣਾ ਅਤੇ ਰਮਨਦੀਪ ਨੇ ਉਨਾਂ ਨੂੰ ਸਵਾਲ ਜਵਾਬ ਪੁੱਛੇ । ਇਸਦੇ ਬਾਅਦ ਜੂਨਿਅਰ ’ਚ ਪਹਿਲੇ ਸਮੈਸਟਰ ਦੇ ਮਿ. ਫਰੈਸ਼ਰ ਅਰਵਿੰਦ ਕੁਮਾਰ ਅਤੇ ਮਿਸ ਫਰੈਸ਼ਰ ਲਈ ਪੂਜਾ ਨੂੰ ਚੁਣਿਆ ਗਿਆ । ਉਥੇ ਹੀ ਸੀਨੀਅਰ ਦੇ ਪੰਜਵੇਂ ਸਮੈਸਟਰ ਤੋਂ ਮਿ . ਫੇਅਰਵੇਲ ਜਸਕਰਣ ਨੂੰ ਅਤੇ ਮਿਸ ਫੇਅਰਵੇਲ ਸਿਮਰਨਜੀਤ ਨੂੰ ਚੁਣਿਆ ਗਿਆ । ਇਸਦੇ ਨਾਲ ਹੀ ਐਕਸੀਲੈਂਸ ਅਵਾਰਡ ਨਿਤੀਸ਼ ਅਤੇ ਰਾਜਵਿੰਦਰ ਨੂੰ ਦਿੱਤਾ ਗਿਆ । ਮੰਚ ਸੰਚਾਲਨ ਵਿਦਿਆਰਥਣ ਹਰਪ੍ਰੀਤ ਕੌਰ ਅਤੇ ਕੰਵਲਜੀਤ ਕੌਰ ਅਤੇ ਮੈਡਮ ਰੁਚਿਕਾ ਨੇ ਸਾਂਝੇ ਤੌਰ ਤੇ ਕੀਤਾ। ਪਿ੍ਰੰਸੀਪਲ ਵਿਕਾਸ ਕੁਮਾਰ ਨੇ ਸਾਰੇ ਵਿਦਿਆਰਥੀਆਂ ਨੂੰ ਭਵਿੱਖ ’ਚ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਤ ਕਰਦੇ ਹੋਏ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ । ਮੌਕੇ ’ਤੇ ਸ਼ੈਫ ਮਿਰਜਾ ਸ਼ਹਿਜਾਨ ਵੇਗ, ਡਾੱ. ਕੁਲਜਿੰਦਰ ਕੌਰ, ਡਾੱ . ਸ਼ਬਨਮ, ਅੰਕੁਸ਼ ਨਿਝਾਵਨ, ਪ੍ਰੋ. ਅਮਨਦੀਪ ਕੌਰ, ਨਿਸ਼ਾ, ਐਚਆਰ ਮਨੀਸ਼ਾ, ਜੀਨਤ ਰਾਣਾ, ਕੁਲਵੰਤ ਸਿੰਘ , ਅਨੰੁ ਸ਼ਰਮਾ , ਜਸਦੀਪ ਕੌਰ, ਹਰਪ੍ਰੀਤ ਕੌਰ, ਜਗਮੀਤ ਸਿੰਘ , ਵਿਸ਼ਾਲ , ਕੇਸੀ ਪੰਡੋਗਾ ਤੋਂ ਡਾਇਰੇਕਟਰ ਵਿਵੇਕ ਪਰਿਹਾਰ , ਸੁਖਪ੍ਰੀਤ ਸਿੰਘ , ਰਿਸ਼ੀਦੇਵ ਜੋਸ਼ੀ , ਸ਼ਿਵ ਕੁਮਾਰ ਅਤੇ ਵਿਪਨ ਕੁਮਾਰ ਆਦਿ ਹਾਜਰ ਰਹੇ ।
