ਬੱਚਿਆਂ ਨੂੰ ਪੜਣ, ਲਿਖਣ ਅਤੇ ਖੇਡਣ ਕੁੱਦਣ ਤੋਂ ਵਾਂਝੇ ਕਰਨਾ ਸਭ ਤੋਂ ਵੱਡਾ ਅਪਰਾਧ- ਡਾੱ. ਕੁਲਜਿੰਦਰ ਕੌਰ
ਨਵਾਂਸ਼ਹਿਰ, 13 ਮਈ(ਵਿਪਨ)
ਕੇਸੀ ਕਾੱਲਜ ਆੱਫ ਐਜੁਕੇਸ਼ਨ ਵਲੋ ਕੈਂਪਸ ਡਾਇਰੇਕਟਰ ਡਾੱ. ਪ੍ਰਵੀਨ ਕੁਮਾਰ ਜੰਜੁਆ ਦੀ ਦੇਖਰੇਖ ’ਚ ਵਿਸ਼ਵ ਬਾਲ ਮਜਦੂਰ ਰੋਕੂ ਦਿਹਾੜਾ ( ਸਟਾੱਪ ਚਾਇਲਡ ਲੇਬਰ ਡੇ ) ’ਤੇ ਆੱਨਲਾਈਨ ਪੋਸਟਰ ਮੇਕਿੰਗ ਮੁਕਾਬਲਾ ਕਰਵਾਇਆ ਗਿਆ । ਜਿਸ ’ਚ ਬੀਐਡ ਦੇ ਪਹਿਲੇ ਅਤੇ ਚੌਥੇ ਸੈਸ਼ਨ ਦੇ ਕਰੀਬ 70 ਵਿਦਿਆਰਥੀਆਂ ਨੇ ਹਿੱਸਾ ਲਿਆ । ਇਸ ’ਚ ਪਹਿਲੇ ਸਮੈਸਟਰ ਦੀ ਅਰਮਿਤਾ ਕਮਲ ਨੇ ਪਹਿਲਾ ਸਥਾਨ, ਸੁਰਜੀਤ ਨੇ ਦੂਜਾ, ਨਵਨੀਤ ਸੈਣੀ ਨੇ ਤੀਜਾ ਸਥਾਨ ਪਾਇਆ ਹੈ, ਉਥੇ ਹੀ ਕੁਸੁਮ ਨੂੰ ਹੋਂਸਲਾ ਅਫਜਾਈ ਇਨਾਮ ਦਿੱਤਾ ਗਿਆ । ਇਸਦੇ ਨਾਲ ਹੀ ਚੌਥੇ ਸਮੈਸਟਰ ਦੀ ਮਨਪ੍ਰੀਤ ਭੱਟੀ ਨੇ ਪਹਿਲਾ, ਗੀਤਾ ਅਤੇ ਨੇਹਾ ਠਾਕੁਰ ਨੇ ਸਾਂਝੇ ਤੌਰ ਤੇ ਦੂਜਾ, ਜੋਤੀ ਖੰਨਾ ਅਤੇ ਬਲਵਿੰਦਰ ਕੌਰ ਨੇ ਸਾਂਝੇ ਤੌਰ ਤੇ ਤੀਜਾ ਅਤੇ ਮਨਤੀਰਥ ਅਤੇ ਅਨੀਤਾ ਨੇ ਸਾਂਝੇ ਤੌਰ ਤੇ ਹੋਂਸਲਾ ਅਫਜਾਈ ਇਨਾਮ ਪ੍ਰਾਪਤ ਕੀਤਾ ਹੈ । ਪਿ੍ਰੰਸੀਪਲ ਡਾੱ. ਕੁਲਜਿੰਦਰ ਕੌਰ ਨੇ ਦੱਸਿਆ ਕਿ ਬੱਚਿਆਂ ਨੂੰ ਪੜਣ, ਲਿਖਣ ਅਤੇ ਖੇਡਣ ਕੁੱਦਣੇ ਤੋਂ ਵਾਂਝੇ ਕਰਨਾ ਸਭ ਤੋਂ ਵੱਡਾ ਅਪਰਾਧ ਹੈ । ਬਾਲ ਮਜਦੂਰੀ ਨੂੰ ਸਿਰਫ ਕਾਨੂੰਨ ਬਣਾਕੇ ਹੀ ਨਹੀਂ ਰੋਕਿਆ ਜਾ ਸਕਦਾ, ਇਸਦੇ ਲਈ ਹਰ ਨਾਗਰਿਕ ਨੂੰ ਆਪਣੀ ਇੱਛਾ ਸ਼ਕਤੀ ਨਾਲ ਕੰਮ ਕਰਨ ਦੀ ਲੋੜ ਹੈ । ਉਨਾਂ ਨੇ ਦੱਸਿਆ ਕਿ ਬਾਲ ਮਜਦੂਰੀ ਦੇ ਪ੍ਰਤੀ ਵਿਰੋਧ ਅਤੇ ਜਾਗਰੁਕਤਾ ਫੈਲਾਉਣ ਦੇ ਉਦੇਸ਼ ਨਾਲ ਹਰ ਸਾਲ 12 ਜੂਨ ਨੂੰ ਵਿਸ਼ਵ ਬਾਲ ਮਜਦੂਰੀ ਰੋਕੂ ਦਿਹਾੜਾ ਮਨਾਇਆ ਜਾਂਦਾ ਹੈ । ਇਸ ਤੋਂ ਪਹਿਲਾਂ ਅਤੇ ਬਾਅਦ ’ਚ ਅਭਿਆਨ ਚਲਾ ਕੇ ਬਾਲ ਮਜਦੂਰਾਂ ਨੂੰ ਸਿੱਖਿਆ ਦਿਵਾਉਣ ਦੀ ਵਿਵਸਥਾ ਸਰਕਾਰ ਵਲੋ ਕੀਤੀ ਜਾਂਦੀ ਹੈ । ਉਨਾਂ ਨੇ ਦੱਸਿਆ ਕਿ 14 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਮਿਹਨਤ ਨਾ ਕਰਾਕੇ ਉਨਾਂ ਨੂੰ ਪੜਣ ਲਿਖਣ ਲਈ ਜਾਗਰੁਕ ਅਤੇ ਪ੍ਰੇਰਿਤ ਕਰਨਾ ਚਾਹੀਦਾ ਹੈ । ਜੱਜ ਦੀ ਭੂਮਿਕਾ ਮੈਡਮ ਅਮਨਪ੍ਰੀਤ ਕੌਰ ਅਤੇ ਮਾਸਟਰ ਜਸਕਰਨ ਸਿੰਘ ਵਲੋ ਕੀਤੀ ਗਈ । ਮੌਕੇ ’ਤੇ ਮੋਨਿਕਾ ਧੰਮ, ਅਮਨਪ੍ਰੀਤ ਕੌਰ, ਸਿਮਰਨ, ਮਨਜੀਤ ਕੁਮਾਰ ਅਤੇ ਵਿਪਨ ਕੁਮਾਰ ਆਦਿ ਹਾਜਰ ਰਹੇ ।